لو سمحتم اذا سمحتم يامشرقين ..

[الوسم]

لي موضوع نزلته البارح ماحصلت عسى ماشر

ممكن توضحون السبب بارك الله فيكم ...

[الوسم]

سبحان الله ولا رد من مشرفين المنتدى يعني معقوله ماحد قراه من مشرفين المنتدى يمكن اعذركم مافيه مشرفين تراي مستعد اصير مشرف بس دوري ارد على اي سؤال من الاعضاء عشان مايصير فيه تطنيش

ايش الطناش هذا

صراحه ماعندكم شفافيه يامنتدى مصدر المؤشر

انا اقول السوق ليش كذا اثاري اللي فاتحين منتديات يمارسون نفس دور الهيئه ويقولون حنا في خدمة المتداولين

مانقول الا الله لايحقرنا

والله اخير وابرك

[أبو نهار]

حياك الله ياغالي

فيه مشرفين لكن مايبون وانا خوك يمارسو صلاحياتهم على بعض الرودو :)

عموماً تم حذف موضوعك السابق لما فيه من كلمات لا تليق

اللي امه حالبتن على راس خشمه يدخل السوق بكره ولايبيع

الأم لها قدر كبير عندنا وانا خوك ..وكان بمقدورك طرح موضوعك باسلوب أفضل وأحسن

أرجو ان لاتجعل المنتدى متنفس وعاكس للأحباط الذي يجري في السوق

وحياك الله عزيز وغالي ..

[Tadawul_ AL ashom]

حياك الله ياغالي

فيه مشرفين لكن مايبون وانا خوك يمارسو صلاحياتهم على بعض الرودو :)

عموماً تم حذف موضوعك السابق لما فيه من كلمات لا تليق



الأم لها قدر كبير عندنا وانا خوك ..وكان بمقدورك طرح موضوعك باسلوب أفضل وأحسن

أرجو ان لاتجعل المنتدى متنفس وعاكس للأحباط الذي يجري في السوق

وحياك الله عزيز وغالي ..


كلام حكيم من رجل حكيم

الله يعطيك العافيه ابو نهار

[نونه]

اخوي الوسم انت طلبت من اخوانا المشرقين ,,

وهنا فيه مشرفين موب مشرقين :D

وانا اختك القنص بالركادة والتسرع عجاله ,,

الله لايخليني من ميمتي ,, ويخلي لكم ميماتكم :)

[الوسم]

اخير رديتو يامشرفين والله كفو ذيابه

اخوي بامكانك ترد هالرد ليش يكلفك شي والا عشانك مشرف لذلك تنظر بنظرة استعلاء ترى المشرفين مافيه اكثر منهم والله لايسمنون ولايغنون من جوع الا من رحم ربي وكان ينظر بنظره راقيه ورقيقه

وبعدين والله مافيه كلمات خارجه عن الادب وينهي الكلمات التي خارجه عن الادب عشاني قلت اللي حالبتن امه على خشمه هذا فخر كانك ماتعرف واسئل عن معنى الكلمه هذي يمكن ماتعرف معناه وفسرتها على كيفك اعذرك لكن اسئل اللي يعرف معناها وانت تعرف وبعدين والله مافيه شي الا انكم ماعجبكم الموضوع ودليل على ذلك تاييد المشرف اللي عقب بعد ردك

اذا كنتم صادقين ارسلوا رساله واعتذروا عن حذف الموضوع او بينوا وجهة نظركم فيه ولو على العام

هذا اسلوب لايدل على ثقافة المشرف بل يدل على انه اله تلغي وتثبت اين دوركم التثقيفي اذا كان المنتدى صرح للاخاء والمحبه والثقافه فالمشرف يكون على مستوى من رحابة الصدر وتقبل الاخر وتفهمه وممارسة اساليب تكون محببه وهادفه ...

والله يحز في نفسي ان تكون هناك بعض المنتديات ترى بالنظره الضيقه للاعضاء وتفسر ماتريد على هواها

ولانقول الا لاحول ولاقوة الا بالله

[الوسم]

اخوي الوسم انت طلبت من اخوانا المشرقين ,,

وهنا فيه مشرفين موب مشرقين :D

وانا اختك القنص بالركادة والتسرع عجاله ,,

الله لايخليني من ميمتي ,, ويخلي لكم ميماتكم :)

ماشاء الله فازعه للمشرفين طيب طيب عدلي الغلط في رد المشرف اعلاه ((في كلمة الردود)) وعطيني صلاحيات اقدر اعدل العنوان لاني ماقدرت اعدله وقتها بسبب الوقت المسموح فيه للتعديل

والله يخليلك ميمتك ويخلي لنا امهاتنا امين يارب العالمين

[الإدارة]

لك رساله على الخاص اخي الكريم..

واعتقد ان هناك قسم موضوع للشكاوي والاقتراحات..


تحياتي لشخصك الكريم