متابعه تداولات مصدر المؤشر ليوم الأثنين 6 \11\1427هـ الموافق 27 نوفمبر2006

[ابو عبدالله 111]

السلام عليكم ورحمه الله وبركاته

لا إله إلا الله وحده لا شريك له ، له الملك وله الحمد يحيي ويميت وهو حي لا يموت بيده الخير وهو على كل شيء قدير

اللهم اني أصبحت أشهدك وأشهد حملة عرشك وملائكتك وجميع خلقك

أنك أنت الله لا إله إلا أنت وحدك لا شريك لك وأن محمداً عبدك ورسولك

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر

اللهم عافني في بدني اللهم عافني في سمعي اللهم عافني في بصري لا إله إلا أنت

اللهم اني أعوذ بك من الكفر ومن الفقر وأعوذ بك من عذاب القبر لا إله إلا أنت

حسبي الله عليه توكلت وهو رب العرش العظيم

اللهم اني أسألك خير هذا اليوم فتحه ونصره ونوره وبركته وهداه، وأعوذ بك من شر ما فيه وشر ما بعده

أصبحنا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم

وعلى ملة أبينا ابراهيم حنيفا مسلما وما كان من المشركين

اللهم ما أصبح وما أمسى بي نعمة أو بأحد من خلقك فمنك وحدك لا شريك لك فلك الحمد ولك الشكر

اللهم اكتب لنا الخير في كل امورنا .

[ابو عبدالله 111]

يوم موفق للجميع بأذن الله وإن شاء الله اكون فأل خير يارب

[ابو عبدالله 111]

الرياض للتعمير تتلقى موافقة مقام الهيئة العليا لتطوير منطقة الرياض من حيث المبدأ على تكوين تحالف منطقة الظهيرة. روابط متعلقة
السعر المفصل
ملف الشركة
2006-11-26 15:38:22

تلقت شركة الرياض للتعمير موافقة مقام الهيئة العليا لتطوير منطقة الرياض من حيث المبدأ على تكوين تحالف لتطوير منطقة الظهيرة وفق رؤية استثمارية، ووفقاً لذلك ستقوم الشركة مع شركائها في التحالف بإجراء دراسات الجدوى الاقتصادية والتي بناءً عليها سوف تتحدد محددات وضوابط التخطيط والتطوير والاستثمار في المنطقة ليتسنى قيام العمل على أسس اقتصادية واستثمارية متينة ، وكانت الشركة قد وقعت مذكرة تفاهم بهذا الخصوص بينها وبين المؤسسة العامة للتقاعد، والمؤسسة العامة للتأمينات الاجتماعية، والشركة السعودية لمركز المعيقلية، والذي بناءً عليه تم الرفع لمقام أمير منطقة الرياض رئيس الهيئة العليا لتطوير منطقة الرياض ، حفظه الله، لأخذ موافقته الكريمة على إسناد تطوير المنطقة لهذا التحالف، وسيكون المجال مفتوحاً أمام الشركات العقارية وشركات التطوير وملاك المنطقة للدخول في ذلك، أوضح ذلك عضو مجلس الإدارة - مدير عام شركة الرياض للتعمير الدكتور / خالد بن عبد الله الدغيثر، والذي عبر عن شكره وامتنانه لسمو أمير منطقة الرياض رئيس الهيئة العليا لتطوير منطقة الرياض، صاحب السمو الملكي الأمير سلمان بن عبد العزيز، على منحه الثقة لهذا التحالف بتطوير منطقة الظهيرة راجياً من الله العون والتوفيق للقيام بعمل يحقق تطلعات المشاركين والمستثمرين والملاك ويعكس تجربة متميزة للتخطيط والتطوير في وسط مدينة الرياض.

[ابو عبدالله 111]

المراعي توقع مذكرة تفاهم للاستحواذ على 75% من شركة المخابز الغربية المحدودة روابط متعلقة
السعر المفصل
ملف الشركة
2006-11-26 15:37:31

تعلن شركة المراعي بأنها قد وقعت اليوم (26/11/2006) مذكرة تفاهم مع الشركاء المخولين في شركة المخابز الغربية المحدودة "لوزين"، والشركة العالمية لخدمات المخابز للاستحواذ على 75% من ملكية هذه الشركات نظير أسهم تصدرها المراعي . وسيوقع الإتفاق النهائي مع الجهات المذكورة بعد إجراء التدقيق والتحقق اللازمين وإستيفاء الشروط الأساسية المتفق عليها بين الاطراف وموافقة مجلس إدارة المراعي ومصادقة جمعيتها العامة على الاتفاق ، وكذلك بعد الحصول على موافقة جهات الأختصاص الحكومية. وتعمل شركة المخابز الغربية المحدودة في إنتاج أصناف عديدة من منتجات الخبز والمعجنات المعروفة في المملكة يتم إنتاجها وتوزيعها تحت العلامة التجارية (لوزين).

[S_M_K_1]

ماشاء الله عليك علي طول منزل موضوع بالمتابعة ليوم الإثنين طيب أول خلي العالم تحلل الأسهم وترتاح شوي(تعرف الجلوس أمام الشاشة4.30ساعة تسبب....;) )
بعدين لا تخاف السوق ماراح يفوتك لأنه من الحين معروف10-%لأغلب الخشاش:D

تحياتي

[ابو عبدالله 111]

الساعة كم يالحبيب قربنا نروح ننام.... :)

[S_M_K_1]

الساعة8.50ليلاً يالحبيبي باقي بدري لو جات الساعة3في الصباح أقلك ممكن لأنه الحين في إتصالات ومباحثات وتشاورات بين الهوامير يعني العشاء علي الساعة12وبعدين يحدده يا يطلعه فوق يا ينزله تحت والمحللين شوفهم في غرف البالتوك واحد يقول فوق وواحد يقول تحت وكلهم بعد الساعة10في الليل ويجيك ثاني يوم ويقول ما قلت لكم من أمس السوق طااااالع1500نقطة وشويه يقول مدري البولنجر وش فيه خبط والماكد مع متوسطه أتفرقه والرايس خرف وسار تحت التسعه وخويكم الياباني فلس:D

تحياتي

[ابو عبدالله 111]

الساعة8.50ليلاً يالحبيبي باقي بدري لو جات الساعة3في الصباح أقلك ممكن لأنه الحين في إتصالات ومباحثات وتشاورات بين الهوامير يعني العشاء علي الساعة12وبعدين يحدده يا يطلعه فوق يا ينزله تحت والمحللين شوفهم في غرف البالتوك واحد يقول فوق وواحد يقول تحت وكلهم بعد الساعة10في الليل ويجيك ثاني يوم ويقول ما قلت لكم من أمس السوق طااااالع1500نقطة وشويه يقول مدري البولنجر وش فيه خبط والماكد مع متوسطه أتفرقه والرايس خرف وسار تحت التسعه وخويكم الياباني فلس:D

تحياتي


والله انك صادق... طيب لا تحرجنا مشيها :D

[S_M_K_1]

والله انك صادق... طيب لا تحرجنا مشيها :D

ياخي جالس أحاول إني أمشيها بس مو راضيه تمشي ماخذ الحين مساحة في السيرفر وسته مرات رديت علي الموضوع وخويك ثلاث مرات ولا أستفدنا شي أفضل حل ينحذف الموضوع وخلاص هههههههhttp://www.al-amakn.net/up2/uploads/10ae9f0fcf.gif (http://www.al-amakn.net/up2)


وش نسوي مافي غير نسولف إذا نبي نفكر في السوق متنه من القهر:D

تحياتي يالحبيبي:p

[ابو عبدالله 111]

ياخي جالس أحاول إني أمشيها بس مو راضيه تمشي ماخذ الحين مساحة في السيرفر وسته مرات رديت علي الموضوع وخويك ثلاث مرات ولا أستفدنا شي أفضل حل ينحذف الموضوع وخلاص هههههههhttp://www.al-amakn.net/up2/uploads/10ae9f0fcf.gif (http://www.al-amakn.net/up2)


وش نسوي مافي غير نسولف إذا نبي نفكر في السوق متنه من القهر:D

تحياتي يالحبيبي:p



الله لا يحرمنا منك يالغالي.. والله معاك حق ولا تنلام صراحه السوق دهورنا ولكن فرج الله قريب


دمت في حفظ لله

[S_M_K_1]

الله لا يحرمنا منك يالغالي.. والله معاك حق ولا تنلام صراحه السوق دهورنا ولكن فرج الله قريب


دمت في حفظ لله

يارجال ما سوينه شي نكثر شوي مشاركاتك;)

تحياتي

[ابو عبدالله 111]

يارجال ما سوينه شي نكثر شوي مشاركاتك;)

تحياتي


آآآآة لو السوق زين كان تشوووف المشاركات 2000 :eek:

[S_M_K_1]

آآآآة لو السوق زين كان تشوووف المشاركات 2000 :eek:

كلام سليم الحين المرجفين متعلقين والمطبلين تعبه :D بس ماعليك لاحق عليهم بعد الساعة12في الليل يجوك ونشوف مين أول واحد فيهم يرد علي مشاركتك ههههههههه:D
لا تزعل الحين وتقول أنا الي وقفت الردود هههههههه:D
تحياتي يالحبيبي

[ابو نواف]

يوم موفق إن شاءالله للجميع الله يرزقنا وإياكم من فضله إنه سميع مجيب

[ابو عبدالله 111]

كلام سليم الحين المرجفين متعلقين والمطبلين تعبه :D بس ماعليك لاحق عليهم بعد الساعة12في الليل يجوك ونشوف مين أول واحد فيهم يرد علي مشاركتك ههههههههه:D
لا تزعل الحين وتقول أنا الي وقفت الردود هههههههه:D
تحياتي يالحبيبي


حلوووة متعلقين عن الكتاية :D

[كبير الهوامير]

اسأل الله التوفيق للجميع

أحلى شئ في هذا المنتدى شبابه كلهم عسل :)

[ابو عبدالله 111]

اسأل الله التوفيق للجميع

أحلى شئ في هذا المنتدى شبابه كلهم عسل :)


انت العسل ياحلوووو ;)

[S_M_K_1]

اسأل الله التوفيق للجميع

أحلى شئ في هذا المنتدى شبابه كلهم عسل :)

يعني تبغاني أقول من هم العسل ولا كيف;)
كبير الهوامير+لاعاد+N 80+أبو هلا+وشفلك واحد من المشرفين يكون واسطه لنا أخاف يزعله يوم ما يشوفه أساميهم معكم:D

تحياتي

[كبير الهوامير]

يعني تبغاني أقول من هم العسل ولا كيف;)
كبير الهوامير+لاعاد+N 80+أبو هلا+وشفلك واحد من المشرفين يكون واسطه لنا أخاف يزعله يوم ما يشوفه أساميهم معكم:D

تحياتي

يعني قصدك إحنا أعضاء نخبة؟ :D :D مدري متى الإدارة حترضى عننا بس :D :D

[S_M_K_1]

يعني قصدك إحنا أعضاء نخبة؟ :D :D مدري متى الإدارة حترضى عننا بس :D :D

هههههههههههههههههههههههههه وش قصدك تبي تسير مشرف وبعدين تجلس تتغلى علينه, لو يعطوك فلوس أو توصية خاصة علي البريد أقبل إذا ما يعطوك شي خليك مثلي والله مافي أحلى من الحريه تقدر تقول الي تبي في المنتدى بس لو سرت مشرف تسير مثل حقين اللغة العربية وما تدخل اي موضوع يعني بالفرنساوي برستيج يا صاحبي:D

تحياتي

[كبير الهوامير]

هههههههههههههههههههههههههه وش قصدك تبي تسير مشرف وبعدين تجلس تتغلى علينه, لو يعطوك فلوس أو توصية خاصة علي البريد أقبل إذا ما يعطوك شي خليك مثلي والله مافي أحلى من الحريه تقدر تقول الي تبي في المنتدى بس لو سرت مشرف تسير مثل حقين اللغة العربية وما تدخل اي موضوع يعني بالفرنساوي برستيج يا صاحبي:D

تحياتي

لا اشراف مين؟ :D :D حأرفض بقوة :D :D الحمد لله البرستيج موجود على كل المستويات :D :D

تحياتي لك يا عسل

[S_M_K_1]

لا اشراف مين؟ :D :D حأرفض بقوة :D :D الحمد لله البرستيج موجود على كل المستويات :D :D

تحياتي لك يا عسل

أموووووووووووت أنا يا برستيج مسوي أنك هامور ومافي غير تلحق وراي في المواضيع هههههههه:D

ياخي وش عسل شفلك ساردين هامور ناجل ولا أقلك الناجل غالي والله سمك الزينه علي قد الحال هههههههه;)

تحياتي

[كبير الهوامير]

أموووووووووووت أنا يا برستيج مسوي أنك هامور ومافي غير تلحق وراي في المواضيع هههههههه:D

ياخي وش عسل شفلك ساردين هامور ناجل ولا أقلك الناجل غالي والله سمك الزينه علي قد الحال هههههههه;)

تحياتي

سمك الزينة في ألمانيا يصل سعر الحبة فيها الى 400 دولار :)

[S_M_K_1]

سمك الزينة في ألمانيا يصل سعر الحبة فيها الى 400 دولار :)

يه يه يه يه أثاري طلعت غالي وأنا مدري:eek: ياهامور ياريت تاخذ موعد من السكرتيره:p قبل لا ترد علي بعد كذه ههههههههه:D

فرحتني الله يفرحك يالله شفلي ألمانيه من عندكم من إيرباص300:D

تحياتي

[majed-1375]

بارك الله فيك

[نسيم222]

الله يكتب اجرك ويزيد في رزقك ويمد في عمرك وجميع المسلمين

[الساهر]

بارك الله فيك

[منارات]

بالتوفيق يارب للكل ...وجزاكم الله خير

[(ابوبدر)]

السلام عليكم ورحمة الله وبركاته
صباح الخير للجميع وسوقكم اخضر باذن الله ...

[كبير الهوامير]

سلام يا حلوين

[(ابوبدر)]

هلا وغلا بالعم ..

[ابو عبدالله 111]

وعليكم السلام ورحمة الله وبركاته

[ابو عبدالله 111]

الدريس فيه مضاربة حلوووة يا اخوان

[كبير الهوامير]

هلا بأبو بدر وأبو عبدالله وصباحكم ورد

[كبير الهوامير]

والله أعتقد لو تضارب في مبرد أحسن وأضمن اليوم لكن خليك حذر

[منارات]

عسى مايكسرو 8350

[(ابوبدر)]

افضل الانتظار والمتابعه ...

[منارات]

نتابع 8320 نقطة دعم لو كسرها كمان الله يخلف

[ابو عبدالله 111]

صباح الورد يا كبير الهواميرر

[أبويزيد]

صبااااااااااااااااااااااح الخيررررررررررررررررررررررررررررررر

على الجميييييييييييييييييييييييييييييييييع

يومكم أخضر إن شااااء الله

[منارات]

افضل الانتظار والمتابعه ...

مش داخله الا بعد 8390 واحساسي يقول الغذائية للمتابعه والمضاربه

[ابو عبدالله 111]

ضاربوا فيه ادخلو الان 73

[منارات]

8257 هدفنا

[أبويزيد]

والله أعلم الركااااااااااااااااااده زينننننننننننننننننه

[كبير الهوامير]

هلا بأبو يزيد

[ابو عبدالله 111]

يابو يزيد نعم الركاددددة زينة انا اقول مضاااااربة وفقك الله

[ابو عبدالله 111]

اذا فيه ارتداد فيبكو عينكم عليها

[(ابوبدر)]

مش داخله الا بعد 8390 واحساسي يقول الغذائية للمتابعه والمضاربه

الغذائية ممتازه للمظارب السريع واذا ساعد السوق تلقين خير فيها ...
اسال الله للجميع التوفيق والرزق الوفير ..

[كبير الهوامير]

والله أخذت الدريس يا أبو عبدالله ولا تزعل

[منارات]

الغذائية ممتازه للمظارب السريع واذا ساعد السوق تلقين خير فيها ...
اسال الله للجميع التوفيق والرزق الوفير ..

الله يجزاك خير يارب :)

[أبويزيد]

هلا بأبو يزيد

أهلين بالكبير صبااااحك جووووووووري

[(ابوبدر)]

والله أخذت الدريس يا أبو عبدالله ولا تزعل

فيها فرصه على النسبه تحت .. الله يرزقك

[أبويزيد]

يابو يزيد نعم الركاددددة زينة انا اقول مضاااااربة وفقك الله


معاااااااااك أبو عبدالله أخااااف نختبر دعم 8200

باااااااااارك الله فيك وليس المقصوووووووود ما تبااادر إلى ذهنك:)

[wonderif]

يا خبراء

السوق فيه امل وإلا نطلع ب 10% خساره

بارك الله فيكم

[منارات]

بيع جماعي كبير الناس ماعاد تثق وربي

[(ابوبدر)]

سيوله خارجه من السوق بنسبة 60% اثر البيع ...

[المتورط]

السلام عليكم ورحمته وبركاته

كيف السوق يا اخوان

نخش والا نجلس نتفرج؟

[كبير الهوامير]

wonderif
ماهي نسبة الخسارة المناسبة لك وهل تملك سيولة تعديل ولا لا؟؟

[(ابوبدر)]

عليكم السلام هلا وغلا ..

[ابو عبدالله 111]

والله أخذت الدريس يا أبو عبدالله ولا تزعل



الله يرزقك بكم سسعر الشراء

[كبير الهوامير]

اصبر يالمتورط

[(ابوبدر)]

:D انا اتوقع مشاهدة سبس ستون مع الصغار افضل ...:D
الله يخارجنا ...

[كبير الهوامير]

74 بس ما يهم لو نزل في سيولة تعديل والدريس سهم ممتاز وما يخوف

[ابو عبدالله 111]

معاااااااااك أبو عبدالله أخااااف نختبر دعم 8200

باااااااااارك الله فيك وليس المقصوووووووود ما تبااادر إلى ذهنك:)


بيض الله وجهك

[كبير الهوامير]

:D انا اتوقع مشاهدة سبس ستون مع الصغار افضل ...:D
الله يخارجنا ...

روح عيش حياتك :D

[ابو عبدالله 111]

74 بس ما يهم لو نزل في سيولة تعديل والدريس سهم ممتاز وما يخوف

إن شاء الله تعين خير وتدعيلي ;)


تحياتي,,,

[المتورط]

اصبر يالمتورط

ننتظر شارتك

[أبويزيد]

وين الناااااااااااس

[(ابوبدر)]

روح عيش حياتك :D

على الله ياكبيرنا :o
بالتوفيق ... نصلي ونرجع انشاالله يتحسن الوضع ..

[كبير الهوامير]

والله يالمتورط في الدوام وما حأقدر اراقب السوق بشكل جيد وتعرف ارتداد السوق من شركات المضاربة لو بدأت تنسب ولو شفت الشركات المرتفعة قياديات اغسل يدك لأنه وهمي

[كبير الهوامير]

تقبل الله..

[ابو عبدالله 111]

والله يالمتورط في الدوام وما حأقدر اراقب السوق بشكل جيد وتعرف ارتداد السوق من شركات المضاربة لو بدأت تنسب ولو شفت الشركات المرتفعة قياديات اغسل يدك لأنه وهمي


ياكبير وش ذا الدوام .....والله احلى دوام ماشاء الله :D

[كبير الهوامير]

ياكبير وش ذا الدوام .....والله احلى دوام ماشاء الله :D

اللهم لك الحمد :D :D :D

[أبويزيد]

كبير أشتغل عندكم تكفى

[كبير الهوامير]

كبير أشتغل عندكم تكفى

روح اطلب من أبو خالد الله يطول في عمره :D

[المتورط]

والله يالمتورط في الدوام وما حأقدر اراقب السوق بشكل جيد وتعرف ارتداد السوق من شركات المضاربة لو بدأت تنسب ولو شفت الشركات المرتفعة قياديات اغسل يدك لأنه وهمي

جزاك الله الف خير

بس وش سالفته مبرد ؟؟

[ابو عبدالله 111]

وش نهايتها ياهوامير الفلس :mad:

حسبي الله ونعم الوكيل ولاحولا ولاقوة الا بالله وانا لله وانا اليه راجعون

[كبير الهوامير]

مبرد جيد للمضاربة ولو ارتد السوق حتلقاه نسبة لكن الإرتداد مو مضمون

[wonderif]

wonderif
ماهي نسبة الخسارة المناسبة لك وهل تملك سيولة تعديل ولا لا؟؟
نسبة الخساره إلي الان 10%

ولا املك سيوله من كثر التعديل

إذا الامور غير مطمئنه بيع نصف الموجود يمكن أصرف

33% سيسكو
33% الفنادق
34% نما

ردك مهم يا كبير الهوامير

[أبويزيد]

وش رايكم في جيزااان على النسبه مغريه صح

[ابو عبدالله 111]

ياكبير جالس يحمل خويك :eek:

[منارات]

ياجماعة وربي لعب بلعب انا شاريه الغذائية 48.25 والكمية الثانيه 48.50

شوفو وش حاصل عندي ...!!

ههههههههه طبعاً من مصلحت السعر بس حتى اعلمكم ان بنكونا اغبياء


اصلاً الغذائية مانسبت

http://www.j1jj.com/uploads/8bfddc7470.jpg

[ابو عبدالله 111]

مبرووك ياكبيررر

[ابو عبدالله 111]

وينكم يااخوان

[المتورط]

الربع مطولين؟

[ابو عبدالله 111]

الله يهديك يا مضارب سابك 100 الف على 106

[المتورط]

اشوف الموشر ثابت الى متى؟

[ابو عبدالله 111]

اشوف الموشر ثابت الى متى؟


فرج الله قريب

[منارات]

اللي عنده كاش ويحب المغامره الغذائية 48.25

[منارات]

لا للدخول رايحين قاع يومي جديد

الله يوجع قلوبهم

[أبويزيد]

المدرجاااااااااااااات طيبه

[منارات]

محافظ البنوك أكيد هي تشتري في الاسهم هذا الوقت

بقصد رش الاسهم التي لم تستجب للنزول

الله يبلاهم ياربي

[كبير الهوامير]

اسف انشغلت شوي.
wonderif حد خسارتك جزئياً إذا ما كمن تملك سيولة تعديل
منارات: طبيعي إنه يعطيك بسعر أقل لو نفذ ووقتها كان السهم بسعر أقل يعطيك بسعر أقل طبيعي

أبو عبدالله الله يبارك فيك كم وصل؟ :D

[seham]

السلام عليكم

[كبير الهوامير]

هلا seham..

[ابو عبدالله 111]

وصل 75 جالس يحمل خويك

[كبير الهوامير]

اللهم لك الحمد :D

[ابو عبدالله 111]

البنوك ترفع السوق


عن طريق ساب والفرنسي

[ت ر ك ي]

السلام عليكم ورحمة الله وبركاته ,

مساء الخير جميعا ,


:)

[كبير الهوامير]

إذا ارتفع السوق بالبنوك أو القياديات فاغسلوا يدكم لأن الإرتداد الحقيقي هو بإرتداد الخشاش

[كبير الهوامير]

هلا بملك الرومانسية تركي :D

[منارات]

عليكم السلام

يارب يكون ارتداد حقيقي يارب

[كبير الهوامير]

يا رب يا منارات

ايش تقرب لك المدرسة؟ :p

[ابو عبدالله 111]

وعليكم السلام

[ت ر ك ي]

هلابك ياكبير الهوامير ,


اخباركم مع الدحدره ,


:)

[ت ر ك ي]

الاسماك ,

هل تتوقعون ترجع لـ300 .. ؟

انا عن نفسي مااستبعد هالشيء ,

وانتم .. ؟

:)

[ابو عبدالله 111]

شوفو ا مذيعة العربية لابسة اخضر (( المحلله)):D

[كبير الهوامير]

مشتريين الدريس ولله الحمد مضاربها طلع سنافي اليوم

[ت ر ك ي]

يقولون هالاسبوع فيه يومين يبي يدحدرون علينا البراميل ,

وامس واحد ,

واليوم الله اعلم الثاني ,

ونقول خلصنا براميل الاسبوع ,

وياكرريم ,


:)

[كبير الهوامير]

شوفو ا مذيعة العربية لابسة اخضر (( المحلله)):D

تتريق علينا المذيعة :D

[seham]

السيوله 4.88 تقريبا

[كبير الهوامير]

زي ما قلت لكم أي ارتداد بالقيادي والإسمنتات بغير الخشاش يعتبر وهمي

[ابو عبدالله 111]

شكلي بروح انام.. سوق يجيب الهم حسبي الله عليهم

[أبو حفصه]

السلام عليكم ورحمة الله وبركاته
:cool: :cool: :cool:
من المذيعه حقت العربية اللي لابسه اخضر عشان انا بالدوام ماعندي تلفزيون وأعلمك مسار السوق

وفي السماء رزقكم وما توعدون

[كبير الهوامير]

نوم العوافي يا أبو عبدالله

[ابو نواف]

السلام عليكم ورحمة الله وبركاته

اخبار سوق الفلس؟

[كبير الهوامير]

انا استأذن قليل

[ابو عبدالله 111]

ثبات معدنية عاجبني

[ابو عبدالله 111]

السلام عليكم ورحمة الله وبركاته
:cool: :cool: :cool:
منهي المذيعه حقت الاخبارية اللي لابسه اخضر بس عشان انا بالدوام ماعندي تلفزيون وأعلمك مسار السوق

وفي السماء رزقكم وما توعدون

والله معرف اسمها يبدولي المصرية

[ابو عبدالله 111]

نوم العوافي يا أبو عبدالله

الله يعافيك ياكبير

[ابو عبدالله 111]

وعليكم السلام يابو نواف

[ابو نواف]

اي سهم يثبت وقت النزول لجميع الشركات انحش عنه تصريف ولكم في الباحة عبره

[منارات]

تصدقون ومن دون حسد :)

يوم قلت لكم الغذائية شراء 48.25 من وقتها طلعت 3.75 شراء وبيع

اتفقنا من دون حسد ..الشاهد بكلامي ..

لا تقعد تتفرج على قولة التويجيري اشتغل مع السوق :)

الله يرزق الجميع يارب

[ت ر ك ي]

كل ارباح المظاربه الكم يوم راحت وفوقها خساير ,

ودي اطلع وانتظر ارتداااد عشان اخفف ,

ورب البيت كريم ,


:)

[ابو عبدالله 111]

ماهي سوي يابو نواف عندك فيبكو تعتبر في القاع

[ابو عبدالله 111]

ياكبيرررر الحق سهمك


ماشاء الله اللهم زيد وبارك

[منارات]

كل ارباح المظاربه الكم يوم راحت وفوقها خساير ,

ودي اطلع وانتظر ارتداااد عشان اخفف ,

ورب البيت كريم ,


:)

مضاربة وليس مظاربة :)

[ابو نواف]

أستأذن كفشني المدير :D

[ت ر ك ي]

منارات ,

هههههههههههههههههههههههههههه

تصدق عاااد ,

انا ديني ودين اشوف احد غلطان إملائيا ,
ودائم احب اكون صح بالإملاء ,

واليموم غلطت ,

يالله مب مشكله نتعلم ,

:)

[wonderif]

شكراٍ وبارك الله فيك

[seham]

اتوقع اغلاق اخضر
باذن الله

[منارات]

منارات ,

هههههههههههههههههههههههههههه

تصدق عاااد ,

انا ديني ودين اشوف احد غلطان إملائيا ,
ودائم احب اكون صح بالإملاء ,

واليموم غلطت ,

يالله مب مشكله نتعلم ,

:)

الله يعينك معليش بس لمجرد النصيحة ماهي لقافه

الغذائية احد شراء فيها ترى حقوق التوصية لي :)

بس انا قايله الشراء 48.25

[أبويزيد]

أتعرفون الفرق بين الضاااااااااد والظاااااااااء

مثلا : ظرف وضفدع

نلاحظ أن حرف الظاااااااااااء اللساااان يخرج من الفم وهو يمثل العصاااااااااااا

وضفدع لا يخرج اللسان فإن خرج اللسااااان أثنااااااااء النطق فهذاااا خطأ لغوي صرررررررريح


كتب لأنه خطأ شاااااااااااائع فالشكر لمنااااااااارات على التنويه ..

آسف أخوي ت ر ك ي

دمتم بأحسن حاااااااااال

[منارات]

أسئذن منكم الغداء جهز يارب ارجع لكم الاقي السوق نسب كله ماعد اسهم السحت

[ت ر ك ي]

بالعافيه منارات ,


إذا رجعت من الغدا ناخذ سهم على توصيتك ,


:)

[ت ر ك ي]

الجوف يجيبها خضراء ..؟


نبي واحد عنده علم الجوف ,


ندخل نعدل فيه والا نصبر . ؟

:)

[ابو عبدالله 111]

ياكبيرررررر ماشاء الله الحق يارجل دقوا عليه جوال يااخووون77

[ت ر ك ي]

الحمدلله الجوف خضررر ,

ويالله يارب ينسبها ,


نبي واحد ينصحنا نعدل فيها ولا ننتظر ,


:)

[ت ر ك ي]

إن شاءالله ارتداااد راائع ,


اهم شيء نكسر الـ8360 ,

ونكون بخير بإذن الله ,


:)

[كبير الهوامير]

ماشاء الله الدريس اللهم زد وبارك :D
التوصية ل أبوعبدالله لكن الظاهر لمن اشتريتها ارتفعت :D :p

[ت ر ك ي]

الدريس ,

وش عنده . ..؟



:)

[ت ر ك ي]

من عنده علم عن الدريس .. ؟


ندخله .؟


:)

[كبير الهوامير]

الدريس ممتاز بشرط مع الإرتدادات

[كبير الهوامير]

ولله أبو عبدالله قعد يطبل للدريس الين ما غسلنا مخنا :D

[ت ر ك ي]

تبوك ز . .؟


تبوك والا الدرس ,

واحد ينصحنا ياشباب ,

والا ياعيال ,

والا يا شيبان ,

:)

[كبير الهوامير]

لسه الوضع مو مطمئن ولا تتهوروا السوق مو طاير

[كبير الهوامير]

كل الشركات ممتازة بعد هذا التصحيح العنيف

[ت ر ك ي]

شكل الجوف إن شاءالله نسبه ,


دعم الله يبارك له في ماله ,

:)

[كبير الهوامير]

الجوف ومبرد نسب إذا ارتد السوق إن شاء الله

[كبير الهوامير]

ومعاهم معدنية واحتمال الدريس

[ت ر ك ي]

طلبنا بالجوف ويالله يكتب لنا نصيب ,


شكلها فوق إن شاءالله اليوم ,


:)

[ابو عبدالله 111]

يابو نواف شايف معدنيه

[كبير الهوامير]

تركي الله يرزقك حبيبي

[ت ر ك ي]

واياك ياكبير ,

يارومااانسي ,

يبيلك عرس انت الحين الظاهر ,


:)

[كبير الهوامير]

ههههههههههه شايف كيف؟ :D لا بس كلام لا تخاف الأمور تحت السيطرة :D

[ابو عبدالله 111]

مبروووووووووووووووووك ياكبيرررررر

[ت ر ك ي]

لا لا ياكبير ,

مافيه شيء تحت السيطره ,

نجيب لك ابو نهار يعلمك ,

:)

[ت ر ك ي]

لازم يكسر المؤشر 8350 الحين ,

والا مشكلة ,


:)

[كبير الهوامير]

مبروووووووووووووووووك ياكبيرررررر

الله يبارك فيك بعت ب 77 :D

[كبير الهوامير]

لا لا ياكبير ,

مافيه شيء تحت السيطره ,

نجيب لك ابو نهار يعلمك ,

:)

خليه الرجال مختفي له يومين ;)

[كبير الهوامير]

نستأذن شويه وراجعين

[ت ر ك ي]

الله يرجعه بالسلامة إن شاءالله ,

:)

[ت ر ك ي]

الجوف قاعد يضف والا لا . .

؟؟؟


:)

[كبير الهوامير]

رجعنا ها بشروا؟؟؟

[كبير الهوامير]

ايش معنى يضف؟ :D

[أبو ريان]

السلام عليكم

كم المؤشر
وش أخبار السوق

لاني لي كم يوم مافتحت المحفظة ولا اتابع الا المنتديات بين فترة وأخرى


نبي نشتري راحت البال

[ت ر ك ي]

حيااك ,


معناتها يقحش ,


يشيل ,


بطب معه ,

بس بكم ,

:)

[برق]

الجوف وخروا عنه اشتروه بارخص بعد شوي على 38 ريال

[كبير الهوامير]

هلا أبو ريان.. السوق تحت لكنه متماسك نسبياً وفيه بعض الإرتدادات الوهمية

تركي مو قلت أخذت الجوف؟؟ والله مني متابعه خلاص كسبت في الدريس وأبغى أحافظ على المكاسب :D

[كبير الهوامير]

هلاااااااااااا برق فينك يا رجل؟؟؟ دائماً تجي قبل الإغلاق بساعة :D

[برق]

هلا والله بكبير الهوامير ويش اسوي عندي كورس ولا يمديني اجي الى بعد الساعة 2 مساء الا قهر ودي اكون معكم طول الوقت بس انشالله الاسبوع هذا ونخلص :D

[أبو ريان]

يالربع عندي سؤال هااااااااام جداً

اللحين الاسواق العالمية والعربية والخليجية
نشوف فيها صعود ونزول في الاسهم كل حسب مؤشراته والمحفزات اللي عنده
يعني عدة شركات تلقاها طالعه ووالبعض ثابت والآخر نازل

بس عندنا ولله الحمد متميزين
السوق ينزل مره واحدة ويطلع مره ثانية يعني لازم يكون كله أحمر ولا أخضر

سوقنا ماتلقى متفاوت


توقعي هو
أن سوقنا يد وأحده مثل الأخوان متكاتفين :D

[ت ر ك ي]

برق ,

نفذ لنا خلاص ,


إن شاءالله نبيع بربح ورب البيت كريم ,


مشكور يابعدي ماقصرت ,

:)

[ت ر ك ي]

رووح ياراعي الجوف والقلب داعي لك ,



:)

[ابو عبدالله 111]

دخلوا الموظفين الان :D

[كبير الهوامير]

برق الله يعينك ويوفقك :D

أبو ريان ماشاء الله عجبتني أنه سوقنا يد واحدة بالله كثر لي منها :D
الطبيعي أنه السوق يكون فيه شركات طالعة وشركات نازلة وكذا نقول السوق مستقر ويقدر الواحد يدخل ويخرج بمكسب أما كذا كتلة واحدة ما يعتبر طبيعي ويدل على بيع جماعي وشراء جماعي

[برق]

شوف ياتركي الجوف حبيب على القلب خفيف على المعدة ماعليك دومت انه مخضر فعزالله معطي المؤشر اشكل وياليت كل المضاربين بالشكل هذا بالسابق لما اشوف المؤشر احمر 500 -600 نقطة كان عادي والاسهم تحصل عليها تداول كثير ولا يحصل مثل المهازل اللي الان اذا ارتفع المؤشر 100 نقطة تحصل نص السوق منسب واذا طاح 100 نقطة تحصله منسب تحت يعني بالعربي لعب بزارين

[كبير الهوامير]

الله يرزقك يا تركي صراحة لازم تكسب وراك زواج :D

[كبير الهوامير]

والله يا أبو عبدالله الموظفين هذول ما يحركوا ولا 50 نقطة في المؤشر :D

[برق]

الله يعين الجميع ياكبير الهوامير :D حاليا انا وزجاج مخامط وتعديل وعلى الله رفع ضغطي بالامس ابي اشوف 200 الف طلب اللي بالامس مادري وين راحت :D

[برق]

تركي متى ببتزوج علشان اعطيك هدية الزواج

[كبير الهوامير]

الظاهر ابو 200 الف خويك عنده كورس برضه :p

[برق]

ياسلام يالاسماك بعد ثلاث نسب متتالية الان نسبة تحت ماقصروا خلاص يعطيهم العافية

[ابو عبدالله 111]

والله يا أبو عبدالله الموظفين هذول ما يحركوا ولا 50 نقطة في المؤشر :D


هههههههههه :D

[كبير الهوامير]

تركي متى ببتزوج علشان اعطيك هدية الزواج

الظاهر أحلى هدية الأيام هذي للمتزوجين مواشي بس مو أسهم مواشي حقيقية :D :D

[برق]

الظاهر حسبي الله عليه خهههههههههههه طيب خذوا عندكم مبرد للمتابعة

[برق]

شوف اشتري لك كم سهم بالمواشي اصرف من الخرفان ياخي صايرة نار وخصوصا مع عيد الاضحى تحصل الذبيحة بالف ريال والمواشي 19.50 :D

[كبير الهوامير]

نستأذن ونجيكم قبل الإغلاق بشويه إن شاء الله لو قدرنا

[ت ر ك ي]

برق ,

باقي على التخرج سنتين ,

واحسب العطاله فتره ,


بعدين اتزوج إن شاءالله ,


يعني اعتبرني سهم استثماري ,


:)

[أبو ريان]

نستودعكم الله

الصلاة يأهل الشرقية

[برق]

بالعكس تفكيرك يعجبني اذا انت باقي تدرس اصرف من بعض العالم اللي مايفكر حتى في نفسه

خلاص تبي سهم استثماري روح اكتتب في سبكيم ياحليله رخيص وحلو وماعليه خلاف ابد بالمرة

واقل من سعر اكتتاب الصراف :D خويك من هوامير الصرافات

[ت ر ك ي]

الحمدلله يارب ,
.75 من الجوف نعمه ,

يالله نستأذن ,


صلاة ياهل الرياض ,


:)

[المتورط]

رجعنا لكم

كيف الوضع ياشباب؟

[ت ر ك ي]

الغذائيه ؟؟

الدريس .


رشحو لنا سهم عقب الصلاة ,

:)

[كبير الهوامير]

مبروك يا تركي الله يديموا عليك

[ت ر ك ي]

ماشاءالله الغذائيه طاارت ,

الله يرزق ملاكها ,

[ت ر ك ي]

الله يبارك بايامك كبيرنا ,


:)

[ت ر ك ي]

الدريس والغذائيه ,

كفو والله ,


ونعم ,


:)

[ت ر ك ي]

رأيكم يقفل أخضر اليوم .. .؟


:)

[كبير الهوامير]

والله الدريس سهم سنافي وأضمن من الغذائية في نظري

[برق]

مبروك مبرد نسبة

[ت ر ك ي]

جوف نسبه . .؟

بإذن اللي ماتنام عينه ,

:9

[ت ر ك ي]

مبروك يالجوف ,

راعيها يابعدي ,


:)

[منارات]

الف مبرووووووووك الغذائية :)

[منارات]

قصدي الف مبروك الارتداد

[برق]

ويش هالسيولة اللي ماتخش الا اخر ربع ساعة :D
يالله الله يعوض الجميع ونشوفكم على خير

[ت ر ك ي]

مبروك عليكم ,

والحمدلله عقب مادحدروا البراميل رفعونا اخر السوق ,


يالله لك الحمد والشكر ,


:)

[كبير الهوامير]

الجوف ومبرد نسب إذا ارتد السوق إن شاء الله


ومعاهم معدنية واحتمال الدريس

:D :D :D :D :D

[محرومين]

سوق عجيب

الله يكفيناء شرهم

[ت ر ك ي]

نستأذن ,

واستروا ماواجهتوا ,

سبحانك اللهم وبحمدك لا اله الا انت استغفرك واتوب اليك ,

في امان الله ,

:)

[كبير الهوامير]

بالسلامة يا تركي ومبروك عليك اليوم ماشاء الله كان فيه خير

[ابو عبدالله 111]

مبروووك والحمد لله على كل حال فال خير عليكم :)

[كبير الهوامير]

الله يبارك فيك يا أبو عبدالله وإن شاء الله يدوم علينا الخضار والبركة في اللي فتح الموضوع ;)

[منارات]

مشكورين ياجماعة والله يرزق الجميع من واسع فضله

[كبير الهوامير]

الله يبارك فيك يالمنارات واليوم منورة المتابعة :)

[كبير الهوامير]

ومشكورين على الجهد الطيب اليوم مع انه في ناس شاردين وهم عارفين نفسهم :D

[S_M_K_1]

ومشكورين على الجهد الطيب اليوم مع انه في ناس شاردين وهم عارفين نفسهم :D

دوام ياهووو;) ماشاء الله عليكم أكثر موضوع تمت الردود فيه وطلعته بفائده أكثر من90%ولله الحمد

الشكر لكل من أجتهد في إيصال معلومة أو توصية لأخوانه و أخواته في المنتدى

يعطيكم العافية

تحياتي

[كبير الهوامير]

دوام ياهووو;) ماشاء الله عليكم أكثر موضوع تمت الردود فيه وطلعته بفائده أكثر من90%ولله الحمد

الشكر لكل من أجتهد في إيصال معلومة أو توصية لأخوانه و أخواته في المنتدى

يعطيكم العافية

تحياتي

هلا والله بسمك ألمانيا :D الدوام لله :D خدمة أخواننا شرف لنا :D تنفع دعاية للمنتدى :D

برضه قاعد لك في الردود :D

[S_M_K_1]

هلا والله بسمك ألمانيا :D الدوام لله :D خدمة أخواننا شرف لنا :D تنفع دعاية للمنتدى :D

برضه قاعد لك في الردود :D

أقطع يدي ياشيخ إذا ما كنت أنت الي تسببت في خراب السيرفر حق المنتدى مافي غير كل شوي تحديث الصفحة تشوف اي أحد بس يكتب شي وعلي طول تجيه مطير هههههههههه
الفرق بس4دقائق :eek: ياهو ميسير خلينه شوي نتنفس حتى لو غلطنه ونبي نعدل شي نلحق هههههههههههههه:D

يسعدني مرورك

تحياتي

[كبير الهوامير]

أقطع يدي ياشيخ إذا ما كنت أنت الي تسببت في خراب السيرفر حق المنتدى مافي غير كل شوي تحديث الصفحة تشوف اي أحد بس يكتب شي وعلي طول تجيه مطير هههههههههه
الفرق بس4دقائق :eek: ياهو ميسير خلينه شوي نتنفس حتى لو غلطنه ونبي نعدل شي نلحق هههههههههههههه:D

يسعدني مرورك

تحياتي

الله أكبر اللهم لا حسد :D :D الحين يلقوا إدارة المنتدى سبب ويوقفونى :eek:
يا أخي المنتدى حلو يعني ما نجيه كل شوية؟ :D :D

[S_M_K_1]

ياخي تعال بس مو كل خمس دقائق:D يعني تعال من الصباح حتى العصر وبعدين لا تجي مره (لو منتدى أبويه ماسويت كذه)هههههه:D يكفي المشاركات حقتك في الوقت هذا ماشاء الله عليك أكثر من50مشاركة(شي بلاش كثر منه):D
الحين الأنظار تتوجه لك يعني خليك دقيق في المشاركات لأنهم راح يرفعه الوقت بين رد ورد يعني الحين30ثانية بعدين لك لوحدك(خاص)يوم كامل هههههههه:D
ليش منت حاط إيمالك إظهار حتى يشوفوه الأعضاء ولا خايف من الأختراق ههههههه:D هات إيمالك الي في الهوتميل وخلينه نجمع الشباب وقت التداول وغير التداول طبعاً إذا ما كنت مشغول(ما أتوقع أنك مشغول ولا ما كنت شفتك24ساعة في المنتدى):D

تتوقع أبو عبدالله متى يكتب متابعة تداولات يوم الثلاثاء, الساعة كم, أمس كتب الموضوع بدري مرررره بس شكله اليوم راح يتأخر شوي:D

يسعدني مرورك

تحياتي

[كبير الهوامير]

والله أجي وقت الفراغ لو مافي شغل :D ومعظم اللفلفة في المنتدى بعد الدوام :D
بالنسبة للإيميل ما أتابعه وقت التداول وأتابع لو كنت فاضي مع الشباب في المتابعة وكمان أخاف يهجموا المعجبين :D بعدين يجيك بيني وبينك ;)

بالنسبة للمتابعة مدري عادي يمديك تفتح موضوع للمتابعة الشغلة حبية مو إلزام شخص معين.

تحياتي لك يا سمك ألمانيا :D :D

[S_M_K_1]

بالنسبة للإيميل ما أتابعه وقت التداول وأتابع لو كنت فاضي مع الشباب في المتابعة وكمان أخاف يهجموا المعجبين :D بعدين يجيك بيني وبينك ;)

بالنسبة للمتابعة مدري عادي يمديك تفتح موضوع للمتابعة الشغلة حبية مو إلزام شخص معين.

تحياتي لك يا سمك ألمانيا :D :D


لا أنا أقصد عن طريق الماسنجر أسهل وأريح تقدر تسوي غرفة مثل غرف البالتوك

تحياتي